Suzuki asistenca - në të gjithë Evropën
Të nderuar klientë!
Jemi krenarë për dizajnin dhe prodhimin e disa prej automjeteve më të besueshme që mund të blini. Nëse drejtoni një automjet Suzuki, me siguri keni vënë re se automjetet tona po bëhen gjithnjë më të fuqishme dhe më të avancuara.
Ende nuk kemi prodhuar një çelës që nuk mund të humbet, goma që ndërrohen vetë apo një automjet që ecën pa karburant. Deri atëherë, në dispozicionin tuaj është programi Suzuki Asistenca.
Pavarësisht nëse problemi është i madh apo i vogël, mund të kontaktoni asistencën në çdo kohë përmes numrave të shënuar në kartën tuaj të asistencës.
Çfarë do të thotë Suzuki Asistenca?
Shkurt: ndihmë e menjëhershme në të gjithë Evropën.
Suzuki Asistenca është shërbim falas i ndihmës në rrugë, i ofruar pavarësisht detyrimeve të garancisë, sipas kushteve të përcaktuara nga Suzuki.
Shërbimi është në dispozicion për blerësit e automjeteve të reja Suzuki, 24 orë në ditë, në Kosovë dhe në vende të shumta evropiane, përfshirë Shqipërinë, Bosnjë dhe Hercegovinën, Kroacinë, Malin e Zi, Maqedoninë e Veriut, Serbinë, Slloveninë, Gjermaninë, Italinë, Francën, Zvicrën, Austrinë dhe shtete të tjera të Evropës.
Përmbajtja e shërbimit përcaktohet nga kushtet e përgjithshme të Suzuki Asistenca dhe nga rrjeti i autorizuar Suzuki.
Kur mund të përdoret?
Shërbimi vlen gjatë periudhës së përcaktuar nga kushtet e Suzuki Asistenca, zakonisht nga regjistrimi i parë i automjetit.
Përdorimi i shërbimit falas nuk është i detyrueshëm dhe mospërdorimi i tij nuk ndikon në të drejtat ligjore të garancisë.
Suzuki Asistenca mund të përdoret vetëm në rast defekti që e bën automjetin të paaftë për të vazhduar udhëtimin, me kusht që defekti të përfshihet në kushtet e shërbimit.
Shërbimi nuk mund të përdoret në rastet e mëposhtme:
- kur nevojitet ndihmë për shkak të një aksidenti trafiku;
- kur bateria është zbrazur për shkak të pajisjeve elektrike të montuara më vonë;
- kur pronari nuk ka kryer kontrollet teknike, mirëmbajtjen ose riparimet e kërkuara, gjë që ka ndikuar në vlefshmërinë e garancisë.
Shërbimi nuk mund të kërkohet pas eliminimit të defektit dhe nuk mund të zëvendësohet me pagesë në para.
Kush ka të drejtë ta përdorë këtë shërbim?
Me kartën Suzuki Asistenca, shërbimin mund ta përdorë jo vetëm pronari i automjetit, por edhe drejtuesi i automjetit, sipas kushteve të programit.
E drejta për përdorimin e shërbimit lidhet me paraqitjen e kartës Suzuki Asistenca. Kjo mundëson që familjarët ose të njohurit tuaj të udhëtojnë të qetë edhe kur automjeti nuk drejtohet nga ju.
Ju lutemi ruajeni me kujdes kartën që i përket automjetit, sepse Suzuki nuk mban përgjegjësi për dëmet e shkaktuara nga keqpërdorimi i saj nga persona të paautorizuar.
Si funksionon Suzuki Asistenca?
Menjëherë pasi Suzuki Asistenca pranon thirrjen tuaj, ekipi niset drejt vendndodhjes suaj dhe, varësisht nga distanca, arrin sa më shpejt që të jetë e mundur për të tentuar eliminimin e defektit në vend.
Nëse riparimi nuk mund të kryhet menjëherë, automjeti transportohet në servisin më të afërt të autorizuar Suzuki.
Çfarë siguron Suzuki Asistenca?
Suzuki Asistenca mund të mbulojë shpenzimet e automjetit zëvendësues, të mundësojë vazhdimin e udhëtimit dhe të mbulojë shpenzime të akomodimit apo taksisë, sipas kushteve të përgjithshme të shërbimit.
Çfarë duhet të bëni për të përdorur shërbimin Suzuki Asistenca?
Mbajeni gjithmonë me vete kartën që ju jep të drejtë për përdorimin e Suzuki Asistenca, për shembull së bashku me dokumentet e automjetit.
Në rast defekti, telefononi numrin e shënuar në kartë. Gjatë bisedës, përfaqësuesi i Suzuki mund t'ju kërkojë këto të dhëna:
- numrin e kartës Suzuki Asistenca;
- modelin e automjetit;
- numrin e shasisë (VIN);
- vendndodhjen e saktë të automjetit;
- përshkrimin e problemit;
- datën e regjistrimit të parë të automjetit;
- të dhënat tuaja të kontaktit.
Shpresojmë që ky shërbim të mos ju nevojitet kurrë, por është mirë ta dini se ekziston.
☎ Për raste urgjente, përdorni numrin e shënuar në kartën Suzuki Asistenca.
